Sai Amritwani

 

Aum Sri Sai Ram
Shri Sai Amrit Vani
Shri Satchidanand Sadguru Sainath Maharaj ki Jay
Om Sai Shri Sai Jaya Jaya Sai

 

Sai naam jyothi kalash, hey jag ka aadhaar |

chintan jyothi punj ka, kariyen baarambaar ||1||

 

Sothe jagte Sai kah, aate jaate naam |

man hi man se Sai ko, Shath Shath kare pranaam ||2||

 

Sukhdaa hein shubha kripa, shakti shanti swaroop |

hein satya anand mayi, Sai Kripa anup ||3||

Dev danuj nar naag pashu, pakshi keet patang|

sab mein Sai samaan hein, Sai sabhi ke sang||4||

 

Sai naam vah naav hein, vus par ho asuvaar |

bhale hi dustar hein badaa, karta bhavsagar paar ||5||

 

Mantramay hi maaniye, Sai Ram bhaghvaan |

devalay hein Sai ka, Sai shabd gun khaan ||6||

 

Sai naam aaraadhiye, bheetar bhar ye bhaav |

dev daya avatharan ka, dhaar chouguna chaav ||7||

Sai shabd ko dhyaayiye, mantr taarak maan |

swashakti sattaa jag kare, vupari chakr ko yaan ||8||

 

Jeevan virathaa beeth gaya, kiya na saadhan ek |

kripa ho mere Sai ki, mile gyaan vivek ||9||

 

Baba ne ati kripa kini, mohe deeyo samjhaayi |

ahankaar ko chodo bhaayi, jo tum chaaho bhalaayi ||10||

 

===Om Sai Shri Sai Jaya Jaya Sai 9 times ===

 

Vandanaa

Sweekaar karo meri vandanaa, shirdi ke kartaar|

Sai tujhe paramaatman, mangal shiv shubhkaar||

 

Haath jodkar hein khadaa, sevak tere dwaar |

kartaa nish din vandanaa, Sai karo sweekaar ||

 

Charanon par mastak kiye, vinay bhakti ke saath |

namaskaar mera tujhe, hove jag ke naath ||

 

Sai naam jap vandanaa, yahi saadhanaa yog |

jag jhoothaa aur jagath ke, mithyaa hein sab bhog ||

 

Namo namo hey Sai prabhu, tum ho jag ke naath |

sabke paalanhaar tum, charan navaavun maath ||

 

Donon kar ko jodh kar, mastak ghutne take |

tujh ko ho pranaam mama, shath shath koti anek ||

Tan se seva Sai ki, man se sumiran naam |

dhan se dhruti dhaarnaa, karma karo nishkaam ||

 

Bhakti bhaav shubh bhaavanaa, man me bhar bharpoor |

shradhdha se tujh ko namoon, mere Sai hajoor ||

 

 

===Om Sai Shri Sai Jaya Jaya Sai 9 times ===

 

Shri Sai Mahima

 

Shri Sai Ram param satya, prakaash roop,

parama paavana Shirdi nivaashi, parama gnyaan aanand

swaroop, pragnyaa pradaataa, satchidananda swaroop,

parama purush yogiraaj, dayaalu devaadhideva hein,

unko baar baar, namaskaar, namaskaar, namaskaar |

Shri Sai Vani

 

Namo Namo paavana Sai, Namo Namo kripaala Gosai |

Sai Amrit padha paavana vani, Sai naam dhun sudha samaani ||1||

 

Namo Namo santhana pratipaalaa, Namo Namo Shri Sai dayaala |

parama sathya hein parama vignyaan, jyothi swaroop Sai bhaghvaan ||2||

Namo Namo Sai avinaashi, Namo Namo ghat-ghat ke vaasi |

Sai dhwani hei naam uchcharan, Sai Ram sukhasidhdhi kaaran ||3||

 

Namo Namo Shri aatma raama, Namo Namo prabhu pooran kaama |

Amritvani amrit Sai Ram, Sai Ram mrud mangala dhaam ||4||

 

Sai naam mantra jap jaap, Sai naam mete trayi taap |

Saidhuni mein lage samaadhi, mite sab aadhi vyaadhi vupaadhi ||5||

 

Sai jaap hei sarala samaadhi, hare sab aadhi vyaadhi vupaadhi |

rudhdhi sidhdhi aur nava nidhaan, daata Sai sab sukh khaan ||6||

 

Sai Sai Shri Sai Hari, mukti vairaagya ka yog |

Sai Sai Shri Sai jape, daata amrit bhogh ||7||

 

Jal thal vaayu tej aakaash, Sai se paaven sab prakaash |

jal aur prithvi Sai ki maayaa, anthaheen anthariksha banaayaa ||8||

 

Nethi nethi kah veda bakhaane, bhed Sai ka koyi na jaane |

Sai naam hei sab ras saar, Sai naam jag thaaran haar ||9||

 

Sai naam ke bharo bhandaar, Sai naam ka sadvyavahaar |

yihaan naam ki karo kamaayi, vuhaa na hoy koyi kathinaayi ||10||

Jholi Sai naam se bhariye, sanchith Sai naam dhan kariye |

jude naam ka jab dhan maal, Sai Kripa le anth sambhaal ||11||

 

Sai Sai padh shakti jagaave, Sai Sai dhun jabhi ramaave |

Sai naam jab jage abhang, chetan bhaav jage sukh sang ||12||

 

 

Bhaavanaa bhakti bhare bhajaneek, bhajte Sai naam ramaneek |

bhajte bhakti bhaav bharpoor, bhrama bhaya bhedabaava se door ||13||

 

Sai Sai sugunee jan gaate, swar sangeeth se Sai rijhaathe |

keertana kathaa karte vidwaan, saar sarasa sanga saadhanavaan ||14||

 

Kaama krodha aur lobha ye, theen paap ke mool |

naam kulhaadi haath le, kar inko nirmool ||15||

 

Sai naam hei sab sukh khaan, anth kare sab ka kalyaan |

jeevan Sai se preeti karanaa, maranaa man se Sai na bisaranaa ||16||

Sai bhajan bina jeevan jeenaa, aathon pahar halaahal peena |

bheethar Sai ka roop samaave, mastak par pratimaa chaa jaave ||17||

 

Jab jab dhyaan Sai ka aave, roma roma pulakit ho jaave |

Sai Kripa sooraj ka ugnaa, hriday Sai pankaj ka khilnaa ||18||

 

Sai naam muktaa mani, raakho sooth piroy |

paap thaap na rahe, aatma darshan hoy ||19||

 

Satya moolak hei rachana saari, sarva satya prabhu Sai pasaari |

beeja se taru makadee se taar, huvaa thyon Sai jag se vistaar ||20||

 

Sai ka roop hriday mein dhaaro, antaraman se Sai pukaaro |

apne bhagat ki sunkar ter, kabhi na Sai lagaate der ||21||

Dheer veer man rahith vikaar, tan se man se kar upakaar |

sadaa hi Sai naam gun gaave, jeevan mukt amar pada paave ||22||

 

Sai bina sab neeras swaad, jyon ho swar bina raag vishaad |

Sai bina naheen saje singaar, Sai naam hei sab ras saar ||23||

 

Sai pitaa Sai hi maataa, Sai bandhu Sai hi bhraataa |

Sai jan jan ke man ranjan, Sai sab dukh dard vibhanjan ||24||

 

Sai naam deepak bina, jan man mein andher |

isi liye he mama man, naam sumaala pher ||25||

 

Japate Sai naam mahaa maalaa, lagtaa narak dwaar pe taala |

rakho Sai par ek vishwaas, sab taj karo Sai ki aas ||26||

 

Jab jab chade Sai ka rang, man mein chaaye prem vumang |

japate Sai Sai jap paath, jalte karmabandha yathaa kaath ||27||

 

Sai naam sudha ras saagar, Sai naam gnyaan gun aagar |

Sai jaap ravi tej samaan, mahaa moh tam hare agyaan ||28||

 

Sai naam dhun anahad naad, naam jape man ho vismaad |

Sai naam mukti ka daataa, brahmadhaam voh khudh pahunchaata ||29||

 

Haath se kariye Sai ka kaar, pag se chaliye Sai ke dwaar |

mukh se Sai sumiran kariye, chita sadaa chintan mein dhariye ||30||

 

Kaanon se yash Sai ka suniyen, Sai dhaam ka maarg chuniye |

Sai naam pada amritvani, Sai naam dhun sudha samaani ||31||

 

Aap japo auron ko japaavo, Sai dhuni ko milkar gaavo |

Sai naam ka sunkar gaana, man alamast bane diwaana ||32||

 

Pal pal uthe Sai tarang, chade naam ka gudhaa rang |

Sai Kripa hei uchchatar yoga, Sai Kripa hei shubha sanyog ||33||

 

Sai Kripa sab saadhan maram, Sai Kripa sayama satya dharam |

Sai naam man me basaana, supath Sai Kripa ka paana ||34||

 

Mana mein Sai dhun jab phire, Sai Kripa tab hi avatare |

rahoon mein Sai mein ho kar leen, jaise jal mein ho meen adeen ||35||

 

Sai naam ko simariye, Sai Sai ek taar |

parama paath paavana param, karataa bhav se paar ||36||

 

Sai Kripa bharpoor mein paavun, parama prabhu ko bheetar laavun |

Sai hi Sai Sai kah meet, Sai se kar le saanchi preet ||37||

 

Sai hi Sai ka darshan kariye, man bheetar ik aanand bhariye |

Sai ki jab mil jaaye shikshaa, phir man mein koyi rahe na ichchaa ||38||

 

Jab jab man ka taar hilegaa, tab tab Sai ka pyaar milegaa |

mitegee jag se aani jaani, jeevan mukt hoy yah praani ||39||

 

Shirdi ke hein Sai hari, theen lok ke naath |

Baba hamaare paavana prabhu, sadaa ke sangee saath ||40||

Saidhuni jab pakade jor, kheenche Sai prabhu apni ore |

mandir mandir basti basti, chaa jaaye Sainaam ki masti ||41||

 

Amritroop Sai gun gaan, amrit kathan Sai  vyaakhyaan |

amrit vachan Sai ki charchaa, sudhaa sama geet Sai ki archaa ||42||

 

Shubha rasanaa vahi kahaave, Sai Ram jahaan naam suhaave |

shubha karma hei naam kamaayi, Sai Ram parama sukhadaayi ||43||

 

Jab jee chaahe darshan paayiye, jai jai kaar Sai ki gaayiye |

Sai naam ki dhuni lagaayiye, sahaj hi bhavsaagar tar jaayiye ||44||

 

Baba ko jo bhaje nirantar, har dam dhyaan lagaave |

Baba mein mil jaaye anth mein, janam saphal ho jaave ||45||

 

Dhanya dhanya Shri Sai ujaagar, dhanya dhanya karunaa ke saagar |

Sai naam mud mangalakaari, vighna hare sab paathak haari ||46||

 

Dhanya dhanya Shri Sai hamaare, dhanya dhanya bhaktan rakhavaare |

Sai naam shubha shakuna mahaan, swasti shanti shivakar kalyaan ||47||

 

Dhanya dhanya sab jag ke swaami, dhanya dhanya Shri Sai namaami |

Sai Sai mana mukha se gaana, maano madhur manorath paanaa ||48||

 

Sai naam jo jana mana laave, uus mein shubha sabhi bas jaave |

jahaan ho Sai naam dhun naad, vahaan se bhage vishama vishaad ||49||

 

Sai naam mana tapt bujhaave, sudha ras seench shanti le aave |

Sai Sai japiye kar bhaav, suvidha suvidhi bane banaav ||50||

 

Chal kapat aur khote hein, theen narak ke dwaar |

jhooth karam ko chodh ke karo satya vyavahaar ||51||

 

Japa tapa teertha gnyaan dhyaan, sab mil naahin Sai samaan |

sarva vyaapak Sai gnyaataa, mana vaanchit praani phalpaathaa ||52||

 

Jahaan jagat mein aavo jaavo, Sai sumir Sai ko gaavo |

Sai sabhee mein ek samaan, sab roop ko Sai ka jaan ||53||

 

Mein aur mera kuch nahin apna, Sai ka naam satya jag sapna |

itna jaan lehu sab koy, Sai ko bhaje Sai ka hoy ||54||

 

Aise mana jab hove leen, jal mein pyaasi rahe na meen |

chith chadhe ek rang anoop, chetan ho jaaye Sai swaroop ||55||

 

Jismein Sai naam shubha jaage, uus ke paap taap sab bhaage |

mana se Sai naam jo uchchaare, uus ke bhaagen bhrama bhaya saare ||56||

 

Sukh-dukh teri dhen hei, sukh-dukh mein thoo aap |

roma-roma mein hei Sai, thoo hi rahyo vyaap ||57|| 

 

Jai-Jai Sai Satchidanand, murali manohar paramaanand |

paarabrahma parameshwar govinda, nirmala paavan jyoth akhandaa ||58||

 

Ekai ne sab khel rachaaya, jo deekho vo sab hei maayaa |

eko ek ek bhaghvaan, do ko thoo hi maayaa jaan ||59||

Baahar bharam bhoolei sansaar, andar preetam Sai apaar |

ja ko aap chaahe bhaghvanth, so hi jaane Sai anant ||60||

 

Jis mein bas jaay Sai sunaam, hove vah jan poornakaam |

chith mei Sai naam jo simare, nishchay bhav saagar se tare ||61||

Sai simaran hove sahaayi, Sai simaran hei sukhadaayi |

Sai simaran sab se oonchaa, Sai shakti sukh gnyaan samoochaa ||62||

 

sukha daata aapad haran, Sai gareeb nivaaj |

apne bachchon ke Sai, sabhi sudhaare kaaj ||63||

 

maataa pitaa baandhav suta daaraa, dhan jan saajan sakhaa pyaaraa |

anta kaal de sake na sahaaraa, Sai naam tera taaran haaraa ||64||

 

aapan ko na maan shareer tab thoo jaane par ki peed |

ghat mein Baba ko pahachaan, karan karaavan vaalaa jaan ||65||

antaryaami ja ko jaan, ghat se dekho aathon yaam |

simaran Sai naam hei sangee, sakhaa snehi suhrud shubha angee ||66||

 

yug yug ka hei Sai sahelaa, Sai bhakt naheen rahe akelaa |

baadhaa badee vishama jab aave, vair virodh vighna badh jaave ||67||

Sai naam japiye sukh daataa, sachchaa saathee jo hithkar traataa |

poonji Sai naam ki paayiye, paathey saath naam le jaayiye ||68||

 

Sai jaap kahee oonchee karanee, baadhaa vighna bahu dukh haranee |

Sai naam mahaa mantra japanaa, hei suvrath nem tapa tapanaa ||69||

 

Baba se kar saachee preet, yah hi bhagat janom ki reeth |

thoo tho hei Baba ka anga, jaise saagar beech tarang ||70||

 

deen dukhi ke saamne, jhuktaa jiskaa sheesh |

jeevan bhar miltaa uuse, Baba ka aasheesh ||71||

 

lene vaale haath do, Sai ke sou dwaar |

ek dwaar ko pooj le, ho jaayegaa paar ||72||  -2 times

 

===Om Sai Shri Sai Jaya Jaya Sai 9 times===

 

NAMAN

 

jaya jaya Sai Parameshwara, jaya jaya Sai Parameshwara |

jaya jaya Sai Puroshaaya namah, jaya jaya Sai Parameshwara ||

 

jaya jaya Sai Shankaraaya namah, jaya jaya Sai Parameshwara |

jaya jaya Sai Raamaaya namah, jaya jaya Sai Parameshwara ||

 

jaya jaya Sai Maadhavaaya namah, jaya jaya Sai Parameshwara |

jaya jaya Sai Hanumathe namah, jaya jaya Sai Parameshwara ||

 

jaya jaya Sai Akaala Purushaaya namah, jaya jaya Sai Parameshwara |

jaya jaya Sai Naathaaya namah, jaya jaya Sai Parameshwara ||

 

===Om Sai Shri Sai Jaya Jaya Sai ===

 

Dhun

jaya Sai hare jaya Sai hare, jaya Sai hare jaya Sai hare |

Sai Raama hare Sai Raama hare Sai Raama hare Sai Raama hare ||

 

jo Sai jape uuske paap kate, bhavsaagar ko vo paar kare |2 times

jaya Sai hare jaya Sai hare, jaya Sai hare jaya Sai hare ||

 

jo dhyaan dhare Sai darshan kare, Sai uske saare kashta hare |  2times

jaya Sai hare jaya Sai hare, jaya Sai hare jaya Sai hare ||

 

Sai rang rage Sai preet jage, Sai charano par jo maathaa dhare | 2times

jaya Sai hare jaya Sai hare, jaya Sai hare jaya Sai hare ||

 

jo sharan pade Sai rakshaa kare, Sai vuske sab bhandaar bhare |2 times

jaya Sai hare jaya Sai hare, jaya Sai hare jaya Sai hare ||

 

===Om Sai Shri Sai Jaya Jaya Sai 9 times===

Mangalamaya Praarthana

 

sarveshaam swasti bhavatu, sarveshaam shaanthirbhavathu |

sarveshaam mangalam bhavatu, sarveshaam poornam bhavatu ||

 

sarve bhavanthu sukhinam, sarve santhu niraamayaahm |

sarve bhadraani pashyantu, maa kashchid dukhabhaag bhaveth ||

 

sarveshaam swasti bhavatu, sarveshaam shaanthirbhavathu |

sarveshaam mangalam bhavatu, sarveshaam poornam bhavatu ||

 

sarve bhavanthu sukhinam, sarve santhu niraamayaahm |

sarve bhadraani pashyantu, maa kashchid dukhabhaag bhaveth ||

 

om sai jaya jaya sai 9 times

===Om Sai Shri Sai Jaya Jaya Sai === - continues

 

Sai Amrithvani Bhajans

Bhajan 1:

sadaa sadaa Sai pitaa man mein karo nivaas

sachche hriday se karoon tumse yeh ardaas

kaaran karathaa aap ho sab kuch tumhaari daat,

Sai bharose mein rahoon tum hi ho pitumaat ||sadaa|| 1

vishyon me mein leen hoon paapon ka naheen anth,

Phir bhi teraa teraa hoon raakh liyo bhagavanth

raakh liyo he raakhan haare Sai gareeb nivaaj,

tujh bina tere baal ke koun samvaare kaaj ||sadaa|| 2

 

dayaa karo dayaa karo dayaa karo mere Sai,

tujh bina meraa koun hei Baba is jag maahi

mein to kuch bhi hoon nahi sab kuch tum ho naath,

bachchon ke sarvaswa tum Sai sadaa raho mere saath ||sadaa|| 3

Bhajan 2:

Baba tere charanoo ki Sai tere char anon ki

agar dhool jo mil jaaye sach kahthaa hoon

bas apnee thakdeer badal jaaye |

sunthe hei teri rahamat din raat barastee hei,

is dayaa ke saagar se ek boond jo mil jaaye | ||Baba||

 

yeh mahn badaa chanchal hey isey kaisey mein samajhaavun,

jitnaa isey samajhaavun utnaa hi machal jaaye | ||Baba||

najaron se giraanaa na chaahe jo sajaa denaa,

najaron se jo gir jaaye mushkil vah sambhal paaye | ||Baba||

 

bas ek tamannaa hei tum saamne ho mere,

tum saamne ho mere, meraa dum hi nikal jaaye | ||Baba||

 

===Om Sai Shri Sai Jaya Jaya Sai 9 times === - continues

 

Bhajan 3:

mujhe tumne maalik bahut kuch diyaa hei,

teraa shukriyaa hei, teraa shukriyaa hei |

jho miltee na gar dee huyi daat teree,

tho kyaa thee jamaane me aukaat meree

tumhi ne tho jeene ke kaabil kiyaa hei                          

teraa shukriyaa hei, teraa shukriyaa hei | ||mujhe|| 1

 

mujhe hei sahaaraa teree bandagee ka,

yahi hei gujaaraa meree jindagee ka

yah bandaa tere hi sahaare jiyaa hei,

teraa shukriyaa hei, teraa shukriyaa hei |

milaa mujhko sab kuch badaulat tumhaari,

meraa kuch naheen sab hei daulat tumhaari

uuse kyaa kamee jo teraa ho liyaa hi,

teraa shukriyaa hei, teraa shukriyaa hei | ||mujhe|| 2

meraa hi naheen too sabhi ka hei daata,

sabhi ko sabhi kuch detaa dilaataa,

teraa hi diyaa sab ne khaayaa piyaa hein,

teraa shukriyaa hei, teraa shukriyaa hei |

kiyaa kuch na maine sharmasaar hoon mein,

teri rahmato ka karazdaar hoon mein,

diyaa kuch naheen bas liyaa hei liyaa hai

teraa shukriyaa hei, teraa shukriyaa hei | ||mujhe|| 3

kare aas ummeed phir bhi biyogee,

jo ab tak hei rahamat vah aage bhi hogee |

bujhe na kabhi pyaar ka jo diyaa hei,

teraa shukriyaa hei, teraa shukriyaa hei | ||mujhe|| 4

 

Pada

Sai rahama najar karanaa, bachchon ka paalan karanaa |

jaanaa tumane jagatpsaaraa, sabahi jhooth jamaanaa | ||Sai|| 1

 

Mein andhaa hoon bandaa aapkaa, mujhko prabhu dikhalaanaa | ||Sai|| 2

Daasaganu kahe abb kyaa boloon, thak gayee meri rasanaa | ||Baba|| 3

 

Pada

rahama najar karo, abb more Sai,

tum bina naheen mujhe maa baap bhaayi |

mein andhaa hoon bandaa tumhaaraa |

mein naa jaanoon, allah ilaahi | ||rahama|| 1

 

khaali jamaanaa meine gamaayaa,

saathee aakhir ka kiyaa na koyi | ||rahama|| 2

 

apane mashid ka jhaadoo ganoo hei |

maalik hamaare, tum Baba Sai | ||rahama|| 3

 

===Om Sai Shri Sai Jaya Jaya Sai ===

Bhajan 4:

Sai ram hare Sai ram hare  ||Sai Ram||

Dukhiyon ke dukh dhoor kare

Sai dukhiyon ke dukh dhoor kare

Jai Jai Sai ram hare ||Jai Jai||

 

Jab chaaro tharaf andhyaaraa ho

Aasha ka dhoor kinaaraa ho

Jab koyi na kevan haaraa ho

Phir tu hi vedaa paar kare  || Jai Jai ||

 

Tu chaahe tho sab kuch karde

Vish ko bhi amrith kardhe

Pooran kardhe us ki aasha

Jo bhi teraa dhyaan dhare || Jai Jai ||

=== Om Sai Shri Sai Jaya Jaya Sai 9 times ===

SAMUHIK MANGALMAY PRARTHNA

🙏🙏🙏🙏

🙏🙏🙏🙏🙏🙏🙏🙏🙏🙏🙏

Hey Shri Sai Sadguru! Swarglok mei shanti ho. Prathvi, jal, vaayu, agni aur aakash shaant rahein. Sampurn prathvi ko prem-daya, anand, prasannta aeivam daivik shakti ka aashirwaad miley.

Hey Trigunteet gyaanavtaar Shri Sai! Sabhi samvedansheel vyaktiyon ke hirday mei daivik prem aur daya kaa aashirwaad mile. Sabhi bhakton ke hirday anand, prasannta, samajdaari, susangati aur sadkarm ki ichha se bharein.

Hey Sai ishwar! Un bhakton ke upar bhi daya karein jo is samay saamuhik mangalmay prarthna kar rahe hain.

Hey Shri Sai Naath. Aapke Shri charno mei hamara baar-baar pranaam hai. Hum deeno par aap sadaiv kripa krte rhiyega, kyonki humare mann mei sote-jagte har samay na jaane kya-kya sankalp-vikalp utha krte hain. Aapke bhajan mei hi hamara mann magna ho jaye, aisa aashirwaad dijiye.

Humari aapse prarthna ki aap humari jatil samasyaon aur sankaton ko saral karein aur humari ichaayein purn karne ki kripa karein.

Aarati

Aarati Sai Baba | Saukhyadatara Jiva | Charanarajatali

Dyava dasa visava | bhakta visava ||Aarati||

Jaluniya ananga | Svasvarupi rahe danga Mumukshu janaam daavi |

Nija dola Sriranga | Dola Sriranga ||Aarati|| 1

 

Jayaa mani jaisa bhava | Tayaa taisa anubhava | Davisi dayaghanaa |

Aisi tujhi hi bhava | tujhi he bhava | ||Aarati|| 2

 

Tumache naama dhyaataa| Hare Sansruthi vyatha Agaadha Tava karani |

Marga daavisi anaathaa | daavisi anaathaa | ||Aarati|| 3

 

Kaliyugi Avataara | Saguna Brahma saachaara |

Avatirna jhaalasi | Swaami Datta Digambara | Datta Digamma | ||Aarati|| 4

 

Aathaa Divasaa Guruvaari.| Bhakta kariti vaari |

Prabhupada Pahaavayaa | Bhava Bhaya nivaari | bhaya nivaari | ||Aarati|| 5

 

Maajhaa nija dravya thevaa | Thava charanaraja sevaa | Maagane hechi aathaa |

Tumhaan devaadhidevaa | devaadhidevaa | ||Aarati|| 6

 

Ichchita Dina chaatak | Nirmala toya nijasukha | Paajaaven Maadhavaa Yaa |

Saambhaala aapuli bhaaka, aapuli bhaaka| ||Aarati|| 7

 

Aarati Sai Baba | Saukhyadatara Jiva | ||Aarati||